[107] (ก) โย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ นิรนุสโย โส วิจิกิจฺฉานุสเยน นิรนุสโยติ? อามนฺตาฯ
(ข) โย วา ปน วิจิกิจฺฉานุสเยน นิรนุสโย โส กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ นิรนุสโยติ?
ทฺเว ปุคฺคลา วิจิกิจฺฉานุสเยน จ ทิฏฺฐานุสเยน จ นิรนุสยา, โน จ กามราคานุสเยน จ ปฏิฆานุสเยน จ มานานุสเยน จ นิรนุสยาฯ อนาคามี วิจิกิจฺฉานุสเยน จ กามราคานุสเยน จ ปฏิฆานุสเยน จ ทิฏฺฐานุสเยน จ นิรนุสโย, โน จ มานานุสเยน นิรนุสโยฯ อรหา วิจิกิจฺฉานุสเยน จ นิรนุสโย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ นิรนุสโย …เป.…ฯ (จตุกฺกมูลกํ)
[108] โย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสโย โส ภวราคานุสเยน …เป.… อวิชฺชานุสเยน นิรนุสโยติ? อามนฺตาฯ
โย วา ปน อวิชฺชานุสเยน นิรนุสโย โส กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสโยติ? อามนฺตาฯ (ปญฺจกมูลกํ)
[109] (ก) โย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ ภวราคานุสเยน จ นิรนุสโย โส อวิชฺชานุสเยน นิรนุสโยติ? อามนฺตาฯ
(ข) โย วา ปน อวิชฺชานุสเยน นิรนุสโย โส กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ ภวราคานุสเยน จ นิรนุสโยติ? อามนฺตาฯ (ฉกฺกมูลกํ)
(ง) ปฏิโลมโอกาโส
[110] (ก) ยโต กามราคานุสเยน นิรนุสโย ตโต ปฏิฆานุสเยน นิรนุสโยติ?
ทุกฺขาย เวทนาย ตโต กามราคานุสเยน นิรนุสโย, โน จ ตโต ปฏิฆานุสเยน นิรนุสโยฯ รูปธาตุยา อรูปธาตุยา อปริยาปนฺเน ตโต กามราคานุสเยน จ นิรนุสโย ปฏิฆานุสเยน จ นิรนุสโยฯ